ARGAIA GOENA baserria AMEZKETA herrian dago kokatuta. Bertako baserritarrak Iñaki eta Aintzane gara eta gure seme-alaba Joana, Peio, Itoitz eta Sara. 2016an etorri ginen baserrira bizitzera eta baserritar izateari heldu genion gure kaleko lanak utzita.

Txikitatik baserriarekin harreman zuzena edukiaz, garai bateko baserriari bizia ematea erabaki genuen. HELBURU Nagusia TXIKITASUNA izanik, animalia ezberdinak dauzkagu kantitate txikitan, DIBERTSIFIKAZIOA ere gure helburua izanik.

Txerriak, behiak, oilaskoak eta ardiak dauzkagu gaur egun eta ZUZENEKO SALMENTAREN bidez saltzen ditugu TXERRI ETA TXEKOR OKELAK.

Animaliak Argaia Goenan jaio, aire librean hazi eta baserrian daukagun harategian haragi freskoa zein produktu artisauak lantzen ditugu, zuzeneko salmenta bidez ZUEN ETXEETARAINO zerbitzatzen ditugularik.